2017-imi pisortat ingerlatsinernut aningaasaliinernullu 11.1 mio. kr.-init aningaasat atorsimavaat. Taakkunannga 27,4 pct.-it isumaginninnermut kiisalu 18,0 pct.-it ilinniartitaanermut atorneqarsimapput.

2017-imi pisortat ingerlatsinernut aningaasaliinernullu 11.1 mio. kr.-init aningaasat atorsimavaat. 2016-imut sanilliullugu 585 mio. kr.-inik procentinngorlugu 5,6 pct.-imik atuinerusimapput. Aningaasanik atuinermi isumaginninnermut tunngasut atuiffiunerpaajusimapput, taakku pisortat atuinerisa 27,4 pct.-erisimavaat, ilinniartitaanermut tunngasut tulliupput 18,0 pct.-iullutik, titartagaq 1 takuuk.

 

Titartaaq 1.

2017-imi pisortat ingerlatsinerannut kiffartuussinerannullu aningaasat atukkat

 

Naatsorsueqqissaartarfiup saqqummersitaanni ”2017-imi pisortat aningaasaqarnerat”-ni tamanna takuneqarsinnaavoq. Saqqummersitaq nittartakkami www.stat.gl-imi atuarneqarsinnaallunilu pdf-fiilitut aaneqarsinnaavoq.

 

Nunani avannarlerni pisortat akornanni ilinniartitaanermut aamma isumaginninnermut tunngasut pingaartuupput. Kalaallit Nunaanni inuit ataasiakkaarlugit naatsorsornerini takuneqarsinnaavoq aningaasat inummut ataatsimut 35.742 kr.-it ilinniartitaanermut atorneqarsimasut 54.388 kr.-illu isumaginninnermut atorneqarsimasut, taamatut naatsorsuinermi tunngavigineqarput 2017-imi Kalaallit Nunaanni innuttaasut, 2016-imut sanilliullugit aningaasat 2017-imi inunnut ataasiakkaanut atorneqarsimasut amerlanerusimapput.

 

Nunat avannarliit eqqarsaatigalugit Kalaallit Nunaanni ilinniartitaanermut atorneqartartut annertunerungaatsiarput, Savalimmiuni aningaasat ilinniartitaanermut atorneqartartut eqqaassanngikkaanni, titartagaq 2 takuuk. Aningaasat inunnut ataasiakkaanut ilinniartitaanermut atorneqartartut assersuutigalugu Islandimi 29.007 kr.-iupput aamma Norge 26.916 kr.-iullutik. 2017-imi Danmarkimi innuttaasumut ataatsimut 24.611 kr.-it atorneqarsimapput.

 

Isumaginninneq eqqarsaatigalugu killormut Kalaallit Nunaat inissisimavoq. Inunnut ataasiakkaanut isumaginninnermut aningaasat atorneqartartut nunani avannarlerni tamani annertunerupput. Kalaallit Nunaanni isumaginninnermut inunnut ataasiakkaanut aningaasat 54.388 kr.-it atorneqarsimapput, 2016-imi Norgemi 97.206 kr.-it atorneqarsimapput 2017-imilu Danmarkimi inunnut ataasiakkaanut 84.638 kr.-it atorneqarsimallutik,. takuuk titartagaq 2.

 

Titartagaq 2.

Inunnut ataasiakkaanut nunani avannarlerni pisortat ilinniartitaanermut aamma isumaginninnermut aningaasat atortagaat

Najoqqutaq: Kalaallit Nunaanni pisortat aningaasaqarnerat 2017 (Kalaallit Nunaat) aamma Nordisk Statistisk Årbog (Nunat allat). Malugiuk: Kalaallit Nunaanni Danmarkimilu inunnut aningaasat atorneqartut 2017-imeersuupput, Savalimmiuni 2013-imeersut nunanilu allani 2016-imeersuullutik.

 

Saqqummersitaq ”2017-imi pisortat aningaasaqarnerat” Naatsorsueqqissaartarfiup nittartagaanut www.stat.gl-imut pdf-fiilinngorlugu aaneqarsinnaavoq.

 

Paasisaqarnerorusuttut Naatsorsueqqissaartarfiup pisortaanut Anders Blaabjergimut uunga 34 57 81-imut (toqqaannartumut) sianerlutik paasiniaasinnaapput.